Ekki missa af þessu

Forsíða

  • Gleðikveðja frá Tasiilaq!

    Útiskákmót í Tasillaq, höfuðstað Austur-Grænlands.

  • Gleðibros, gotterí og grænlenskt skákkver

    Grænlensk stúlka í Nuuk, með ,,gula kverið" og nammi frá Nóa Síríus.

  • Sannkölluð Vin!

    Skákmót í Vin, athvarfi Rauða krossins. Þar eru höfuðstöðvar Vinaskákfélagsins.

  • Teflt við ysta haf

    Jóhann Hjartarson stórmeistari og Kidda Svarfdal búa sig undir taflmennsku í Djúpavík í Árneshreppi.

  • Sigurvegarar!

    Hrókurinn var óstöðvandi á Íslandsmóti skákfélaga á árunum 1998-2004, en þá var pakkað saman með stæl og áhersla lögð á útbreiðslu fagnaðarerindisins.

  • Kátir krakkar í ,,gleymda bænum

    Þessi dásamlegu börn eru frá Upernavik á Vestur-Grænlandi, en þar voru Hróksmenn á ferð í desember 2013. Upernavik er kallaður gleymdi bærinn, því þangað koma fáir og lítið er í boði fyrir börnin.

  • Bikarbros

    Glaðbeittar stöllur, Magdalena og Þórhildur Helga, með nokkur af sigurlaunum Hróksins á Íslandsmóti skákfélaga.

  • Galdur á jónsmessunótt

    Róbert Lagerman og Hrafn Jökulsson í Kolgrafarvík í Árneshreppi, á jónsmessunótt.

  • Fáni norðursins!

    Stúlka í Ittoqqortoormiit, einu afskekktasta þorpi norðurslóða. Hróksmenn hafa staðið fyrir skákhátíð í bænum um hverja páska síðan 2005.

  • ,,Saman erum við sterkari!

    Together we are stronger! sagði Jonatan Motzfeldt eftir að þeir Ivan Sokolov höfðu lagt færeyska mótherja í tvískák á Grænlandi 2003.

  • Með sveiflu!

    Hinn eini sanni Raggi Bjarna er einn af fjölmörgum listamönnum sem hefur lagt Hróknum og skákinni lið.

  • Skákgleði!

    Hrafn Jökulsson og kátir krakkar í Kuummiut. Hrókurinn hefur með dyggum stuðningi fjölmargra einstaklinga og fyrirtækja gefið um 2000 taflsett á Grænlandi.

  • Gjafir meistarans

    Goðsögnin Friðrik Ólafsson færir Jóhönnu Engilráð Hrafnsdóttur gjöf við upphaf afmælismóts Friðriks, sem haldið var í Djúpavík sumarið 2010.

  • Skák og mát!

    Hrókurinn og Edda útgáfa færðu fimm árgöngum barna bókina Skák og mát. Alls lagði Edda til 25 þúsund eintök af bókinni. Hróksmenn heimsóttu alla grunnskóla á Íslandi og öll sveitarfélög, og gleðin var allsstaðar við völd.

  • Ævintýri í Eyjum

    Stór hópur Hrókskrakka í Vestmannaeyjum 2004. Ýmsir úr þessum frábæra hópi hafa síðan látið að sér kveða í íslensku skáklífi.

  • Skák er skemmtileg!

    Skák er skemmtileg -- á grænlensku. Æfið ykkur endilega að bera orðin fram!

  • Gleði

    Þessir eldheitu aðdáendur Barcelona í litlu grænlensku þorpi kunnu svo sannarlega að meta skákina.

  • Goðsagnir mætast

    Alexei Shirov og Viktor Kortsnoj á Stórmóti Hróksins á Kjarvalsstöðum 2003. Báðir hafa þeir teflt um heimsmeistaratitilinn í skák.

  • Glaðbeittur stubbur

    Þessi ungi maður, sem sannarlega á framtíðina fyrir sér, er frá Ittoqqortoormiit.

  • Skáktrúboðar

    Róbert Lagerman og Stefán Herbertsson, þrautreyndir skáktrúboðar á Grænlandi. Báðir eru þeir í stjórn Kalak, vinafélags Íslands og Grænlands.

  • Skákin heillar

    Hrókurinn hefur á síðustu 18 mánuðum skipulagt fjölmargar hátíðir í Nuuk, höfuðborg Grænlands. Börnin þyrpast að taflborðinu

  • Norðurlandameistarar

    Hrókurinn varð Norðurlandameistari skákfélaga árið 2003 og því var fagnað með glæsilegu hófi í Gamla bíó. Fyrirliðinn Róbert lyftir bikarnum.

  • Skákgrallarar

    Stemmningin á skákmótum Hróksins er engu lík: Hér má sjá Elísabetu Jökulsdóttur og Heimi Pál Ragnarsson á skákmóti í Trékyllisvík.

  • Lært um leyndardóma

    Skákin er heillandi og skemmtileg. Skák hefur líka góð áhrif á námsárangur, enda eflir hún bæði rökhugsun og sköpunargáfu.

  • Sögulegt einvígi

    Friðrik Ólafsson og Bent Larsen voru meðal bestu skákmanna heims um árabil og háðu marga orustu. Hrókurinn efndi til einvígis þeirra 2003. Bjarni Felixson leikur fyrsta leikinn undir vökulum augum Einars S. Einarssonar dómara.

  • Tveir snillingar

    Ofurstórmeistarinn Ivan Sokolov, lykilmaður í Hróknum, og Haukur Angantýsson, Íslandsmeistari 1976, að tafli í Vin.

  • Söngur á Selfossi

    Hrókurinn stóð fyrir gríðarsterkum skákmótum á Selfossi 2002 og 2003. Barnakór syngur við setningu hátíðarinnar 2002.

  • Öld skilur að!

    Mjög söguleg mynd: Kempan Guðmundur Daðason, 103 ára, mætir Alfreð B. Valencia, 5 ára, á skákhátíð Hróksins á Broadway 2003. Heil 98 ár skilja keppendur að.

  • Sigurkrans Shirovs

    Þórólfur Árnason, þv. borgarstjóri í Reykjavík, afhendir snillingnum Alexei Shirov sigurlaun á Stórmóti Hróksins á Kjarvalsstöðum.

  • Það er engin leið að hætta!

    Stúlka á Selfossi með Skák og mát á leiðinni heim úr skólanum. Alls gáfu Edda útgáfa og Hrókurinn 25.000 eintök af þessari frábæru bók Karpovs, sem myndskreytt er af snillingum Walt Disney og íslenskuð af Helga Ólafssyni.

  • Skákdrottningin

    Regina Pokorna frá Slóvakíu tefldi með skáksveitum Hróksins og dvaldi auk þess marga mánuði á Íslandi við að útbreiða fagnaðarerindið.

  • Stórlaxar á Stórmóti.

    Keppendur á Stórmóti Hróksins í marsmánuði árið 2003. Efri röð frá vinstri: Michael Adams, Helgi Áss Grétarsson, Hannes Hlífar Stefánsson, Ivan Sokolov, Stefán Kristjánsson, Etienne Bacrot. Fremri röð frá vinstri: Bartlomiej Macieja, Viktor Kortsnoj, Alexei Shirov og Luke McShane.

  • Skipstjóraskák

    Teflt á Breiðafjarðarferjunni Baldri. Í kjölfarið var svo slegið upp stórmóti í Flatey.

  • Undrabörn

    Enski snillingurinn Luke McShane afhendir verðlaun á barnaskákmóti Hróksins.

  • Regla númer eitt!

    Allar alvöru skákir hefjast á handabandi. Og helst brosi líka.

  • Skák brúar öll bil

    Allir geta teflt: Ungir og gamlir, strákar og stelpur. Hér eru hin unga og efnilega Veronika Steinunn Magnúsdóttir og Böðvar Böðvarsson (1936-2014).

  • Melasystur

    Smávinir fagrir líða um loftið við setningu skákhátíðar í Árneshreppi. Árný og Ellen Björnsdætur frá Melum heilluðu skákmenn og gesti.

  • Guðmundar í Ávík minnst

    Skákhátíð í Árneshreppi 2009 var tileinkuð minningu Hróksmannsins Guðmundar Jónssonar frá Stóru-Ávík. Hér er Jóhann Hjartarson ásamt Ingibjörgu Guðmundsdóttur og fjölskyldu.

  • Sigurmerkið

    Grænlensk bros, fáni Hróksins og sigurmerkið!

  • Jakans minnst

    Minningarmót Guðmundar J. Guðmundssonar var eitt sterkasta skákmót sem haldið hefur verið á Íslandi. Hér leikur Elín Torfadóttir, ekkja jakans, fyrsta leikinn í skák Topalovs og Gunnars Björnssonar.

  • Páskaeggjagleði!

    Bónus gefur börnunum í Ittoqqortoormiit páskaegg á hverju ári. Páskaeggjamótið er jafnan hápunktur skákhátíðar Hróksins í þessu afskekkta þorpi.

  • Sigurvegari

    Mikail Gurevich sigraði á hinu gríðarlega sterka minningarmóti Guðmundar J. Guðmundssonar og hlaut að sjálfsögðu sigurkrans.

  • Enginn venjulegur bikar!

    Guðjón Kristinsson listamaður frá Dröngum lagði til verðlaunagripinn á minningarmóti Guðmundar Jónssonar frá Stóru-Ávík. Fjölmargir listamenn hafa lagt Hróknum lið í gegnum árin.

  • Hrókurinn í Sarajevo

    Hrókurinn og utanríkisráðuneytið stóðu að skákskóla í Sarajevo veturinn 2003-4, en borgin varð mjög illa úti í borgarastyrjöld Júgóslavíu. Mörg hundruð börn tóku þátt í dásamlegu og gefandi verkefni.

  • Skáksnillingur og skáldjöfur

    Ivan Sokolov og Einar Kárason saman í liði í tvískák.

  • Keisari í verðlaun!

    Rúnar Sigurpálsson fékk ekki hefðbundinn bikar fyrir glæstan sigur á stórmóti í Trékyllisvík: Hrafn Jökulsson afhenti honum hausinn af sjálfum Daríusi Persakeisara!

  • Litrík blindskák!

    Guðmundur Jónsson óðalsbóndi í Stóru-Ávík og Paulus Napatoq, blindur piltur frá Grænlandi, að tafli í Kaffi Norðurfirði. Paulus er frá Ittoqqortoormiit, ótrúlega snjall piltur af miklum veiðimannsættum.

  • Friðrik hylltur

    Hrókurinn hélt afmælismót Friðriks Ólafssonar 2010. Katrín Jakobsdóttir þv. menntamálaráðherra (og glúrin skákkona) flytur setningarávarp.

Ólympíumótið: Glæsileg veisla að hefjast!

Senn fara skákklukkurnar af stað í Tromsø, þegar 41. ólympíuskákmótið hefst.  Tromsø er allnokkuð fyrir norðan heimskautsbaug, á 69° og eru íbúar liðlega 72 þúsund. Talsverð vandræði og uppnám hafa einkennt undirbúning mótsins. Stjórnvöld í Noregi leggja hvorki meira né minna en einn og hálfan milljarð króna í púkkið. Noregur hefur á skömmum tíma orðið stórveldi í skák. Ekki þarf að ...

Lesa grein »

Skólamenn á einu máli: Skákin hefur frábær áhrif á börnin

,,Við byrjuðum í fyrra að vera með skák sem valgrein 2-3 sinnum í viku og er skemmst frá að segja að skákin svínvirkar á þau, þau ná ró og þjálfa athygli og átta sig á að skákin þarf að vinnast í ró og friði. Þetta eru ekki börn sem nokkur hefði trúað að gætu setið kyrr í hálfan eða einn ...

Lesa grein »

Ólympíumótið hefst eftir viku: Hvað gera Íslendingar í Tromsø?

41. ólympíumótið í skák fer fram í Tromsø  í Noregi  1. til 14. ágúst. Töluverðar jarðhræringar eru kringum mótið, enda fer samhliða fram FIDE-þing þar sem hinn mikli Kasparov freistar þess að fella Kirsan Nikolayevich Ilyumzhinov úr forsetastóli. Barátta þeirra er mjög tvísýn, og harðar ásakanir um svindl og spillingu. En baráttan á skákborðinu verður ekki síður tvísýn. Íslendingar ganga hóflega bjartsýnir til ...

Lesa grein »

Góður Hróksmaður kveður

Kempan Böðvar Böðvarsson, einn af stofnfélögum Hróksins, lést 9. mars 2014. Böðvar fæddist 23. júní 1936, og var landskunnur trésmíðameistari. Hrafn Jökulsson minntist Böðvars á Facebook-síðu sinni með þessum orðum:

Lesa grein »

Saga Hróksins: Meistarinn sem átti hugmyndina

Hrókurinn var upphaflega stofnaður á Grandrokk við Klapparstíg á ofanverðri síðustu öld. Hugmyndina átti sænskættaði snillingurinn Dan Gunnar Hansson (1952-1999). Hér má lesa minningarorð Hrafns Jökulssonar um Dan, sem birtust í Morgunblaðinu 1. september 1999. Við uxum úr grasi með glitrandi vonir, en gleymdum oftast að hyggja að því að það er ekki sjálfsagt að sólin rísi úr sæ hvern ...

Lesa grein »

Viltu gefa taflsett til Grænlands?

Hróksmenn hafa gefið um 2000 taflsett á Grænlandi, með dyggri aðstoð margra velunnara. Á síðasta ári  lagði Flugfélag Íslands til 300 taflsett handa börnum í Nuuk, höfuðborg Grænlands. Börnin hafa tekið skákinni fagnandi. Taflsett eru nú á flestum heimilum á austurströndinni. Skákin slær hvarvetna í gegn á Grænlandi. Hrókurinn hefur heimsótt byggðir, vítt og breitt um Grænland. Við höfum verið ...

Lesa grein »

Vináttan er okkar leiðarljós: Margar skákhátíðir á Grænlandi framundan!

Skákfélagið Hrókurinn undirbýr nú heimsóknir til margra bæja og þorpa á Grænlandi, á haustmisseri 2014. Það sem af er ári hafa Hróksmenn sent þrjá leiðangra til Grænlands, og efnt til hátíða sem mörg hundruð börn hafa tekið þátt í. Alls hefur Hrókurinn skipulagt næstum 40 skákferðir til Grænlands síðan 2003, og hafa þúsundir barna og ungmenna kynnst töfraheimi skáklistarinnar. Markmið ...

Lesa grein »

Dýrðlegur dagur í Nuuk.

Skákveisla til minningar um Íslandsvininn Jonathan Motzfeldt. Í dag héldum við skákmótið til minningar um Jonathan — fyrsta forsætisráðherra Grænlands og fyrsta manninn sem ég tefldi við á Grænlandi. Þarna voru kornungir íslenskir skáksnillingar, gamlar kempur og framtíðarfólkið á Grænlandi. Hlýtt er þessum karli um hjartarætur eftir dásamlegan dag. Áfram Grænland, áfram Ísland — lifi vináttan. . Created with flickr ...

Lesa grein »

Hrókurinn tilkynnir — með stolti!

Hápunktur! Þriðja verkefni 12. starfsárs okkar Hróksliða á Grænlandi, gjörið svo vel: Um miðjan maí höldum við skákhátíð í Nuuk, til minningar um Íslandsvininn Jonathan Motzfeldt, landsföður Grænlands. Hann var ástríðfullur skákáhugamaður og gaman að segja frá því að fyrsta skákin sem ég tefldi á Grænlandi var einmitt við Jonathan — þá var ég gestur hans og Kristjönu. Nú heiðrum ...

Lesa grein »

Leikskólinn og hjúkrunarheimilið í Ittoqqortoormiit

Þó formlegum skákviðburðum lyki í gær fór skáktrúboðið ekki í frí. Leiðangurmenn heimsóttu leikskóla þorpsins nú í morgunsárið og færðu börnunum þar gjafir og skáksett. Skákmeistari ferðarinnar, Róbert Lagerman, hélt síðan stutta tölu um gildi skákkennslu á öllum aldursstigum fyrir kennara skólans. Elsta árganginum var síðan fært skákhefti á austur-grænlesku sem tilvalið verður að stauta sig í gegnum samhliða aukinni ...

Lesa grein »

Dagur vináttunnar í Ittoqqortoormiit. 

Hróksliðar enduðu skákveisluna á degi vináttunnar, Grænlands og Íslands, á 72. breiddargráðu með fjöltefli við heimamenn. Rúmlega 50 manns mættu í blíðskaparveðri í grunnskóla þorpsins sem í ár, eins og fyrri ár, hefur verið helsta bækistöð skáktrúboðsins.  Jón Birgir Einarsson tefldi fyrri hluta fjölteflisins og tefldi vasklega framan af. Eftir rúman klukkutíma fóru þó að sjást örlítil þreytumerki og upp ...

Lesa grein »

Blindur piltur sigraði á fjölmenntu skákmóti Hróksmanna á Grænlandi

Blindi snillingurinn Paulus Napatoq sigraði á Norlandair-meistaramóti Ittoqqortoormiit í skák, sem Hróksmenn stóðu fyrir um helgina. Paulus er Íslendingum að góðu kunnur og hefur í tvígang komið í skákferðir til Íslands. Keppendur á mótinu voru um 50 og var gleðin allsráðandi. Talsvert óveður gekk yfir bæinn og þurfti leiðangursstjóri Hróksins, Róbert Lagerman, að byrja dgainn á því að smeygja sér ...

Lesa grein »

BÓNUSMÓTIР

Veðrið á Grænlandi kemur í ögn stærri skömmtum en maður á að venjast. Stórbrotin náttúran býður ekki upp á neitt hálfkák og víst er að veðurguðirnir hér eru ekki ákvörðunarfælnir. Samkvæmt mælingum leiðangurmanna þá hafði bætt í snjóinn sem nam u.þ.b. 90cm síðan í gærkvöldi. Ef aukakíló leiðangursins hefðu verið fleiri hefði verið allsendis óvíst hvort meðlimir Hróksins hefðu komist útúr ...

Lesa grein »

Skákhátíðin í Ittoqqortoormiit 2014

Rúmlega 50 börn og unglingar mættu í dag á fyrsta skákviðburð Hróksins hér í Ittoqqortoormiit. Röð glaðbeittra krakka beið leiðangursmanna þegar þeir mættu vel tímanlega til að undirbúa mótstað. Skákmeistari, leiðangurstjóri ferðarinnar og varaforseti Hróksins, Róbert Lagerman, tefldi síðan fjöltefli. Ljóst er að skákgyðjunni er vel sinnt á milli páskaferða Hróksins enda þurfti hinn reynslumikli varaforseti ítrekað að staldra við í ...

Lesa grein »

Leiðangursmenn Hróksins fengu afar hlýjar móttökur

Leiðangursmenn Hróksins fengu afar hlýjar móttökur þegar þeir lentu síðla dags á nyrsta byggða bóli austurstrandar Grænlands, Ittoqqortoormiit. Dagurinn markar upphaf 8. páskaskákhátíðar Hróksins á 72 breiddargráðu. Framundan er þéttskipuð dagskrá skákatburða en venju samkvæmt fer fyrsti dagurinn í að heimsækja góðvini og hjálparhellur leiðangursmanna og þeim færðar gjafir og kveðjur frá Íslandi. Skáktrúboðið hefst svo fyrir alvöru á morgun en ...

Lesa grein »

Minningarhátíð um Jonathan Motzfeldt í Nuuk 15.-19. maí: Örfá sæti laus á frábæru verði

Skákfélagið Hrókurinn efnir til skákhátíðar í Nuuk, höfuðborg Grænlands, dagana 15. til 19. maí. Hátíðin er tileinkuð Íslandsvininum Jonathan Motzfeldt (1938-2010), fyrsta forsætisráðherra Grænlands, sem einmitt tók þátt í fyrsta alþjóðlega mótinu sem Hrókurinn efndi til á Grænlandi, sumarið 2003. Skákáhugamönnum bjóðast kostakjör á flugi með Flugfélagi Íslands og gistingu á hinu frábæra Hotel Hans Egede. Meðal þess sem er ...

Lesa grein »

Tilkynnist, með umtalsverðu stolti: Í dag fer leiðangur Hróksins til Ittoqqortoormiit

Gleði, gleði! Gleði! Tilkynnist, með umtalsverðu stolti: Í dag fer leiðangur Hróksins til Ittoqqortoormiit, afskekktasta þorps Grænlands. Við erum að tala um 72° gráðu, þúsund kílómetra frá næsta byggða bóli. Meiri tölfræði: Annað verkefni 12. starfsárs Hróksins á Grænlandi og áttunda árið í röð sem við heimsækjum vini okkar í Scoresby-sundi. Leiðangursstjóri er Róbert Lagerman, snillingur, boðberi gleðinnar, mín hægri hönd og ...

Lesa grein »

Skákfélagið Æsir

Í dag fékk ég tækifæri að heimsækja Skákfélagið Æsir. Stjórn skákfélags heldri borgara, ákvað nýverið að gefa tíu forláta klukkur og töfl til krakkanna í Ittoqqortoormiit. En leiðangursmenn Skákfélags Hróksins eru á leið þangað í páskavikunni. Ég átti þarna virkilega skemmtilega stund og fékk meir að segja að leika fyrsta leikinn 1.e4 á hinu árlega meistaramóti Æsi. Sérstakar þakkir til Finns Kr. ...

Lesa grein »