Íslandsmót skákfélaga komið af stað — Myndagallerí

Nú um helgina mun fara fram uppáhaldsmót/keppni flestra skákmanna. Um er að ræða fjölmennasta mót hvers árs, Íslandsmót skákfélaga. Keppt er í fjórum deildum og fer fyrri hluti keppninnar að þessu sinni fram í Rimaskóla. Að öllu jöfnu fer keppnin fram yfir tvær helgar, sú fyrri í október og sú seinni jafnan í mars.

Efsta deild hófst raunar nú á fimmtudaginn með einni umferð en föstudagskvöldið hófu allar deildir sínar fyrstu viðureignir á meðan efsta deild háði sína aðra viðureign. Keppnin mun halda áfram um helgina með tveimur umferðum klukkan 11 og 17 á laugardeginum og svo 11 á sunnudeginum. Við hvetjum skákáhugafólk að líta við í Rimaskóla. Kaffi og kökur til styrktar nemendum skólans, bóksala og hægt að kíkja á alla helstu skákmenn þjóðarinnar etja kappi.

Í efstu deild telja flestir að sveit Hugins sé sigurstranglegust en þeir tefla fram stigahæstu sveitinni og heilum sex stórmeisturum!

Deildo25

Ivan Cheparinov, stigahæsti skákmaðurinn á svæðinu og á 1.borði hjá Huginn

Hér eru fleiri svipmyndir úr efstu deild:

Deildo16

Tveir hressir og flottir úr Skákfélagi Akureyrar, Halldór Brynar og Stefán Steingrímur

Deildo20

Stefán og Hjörvar Steinn eru báðir stórmeistarar og tefla fyrir Huginn og alþjóðlegi meistarinn Dagur Arngrímsson glímir hér við Stefán. Athyglisvert er að Stefán er nánast undanteknigalaust í sigurliði keppninnar.

Deildo23

Neðstu borð liðs Taflfélags Vestmannaeyja. T.V. hefur gjarnan verið á palli undanfarin ár en ekki náð gullinu enn

Deildo15

Luis Galego er mikill Íslandsvinur og hefur komið hingað oftar en tíu fingur geta talið. Galego er ávallt kátur og teflir með Víkingsklúbbnum að þessu sinni.

Deildo14

Þessir hafa marga orustuna háð saman. Það þarf varla að kynna þa Jóhann Hjartarson og Jón L. Árnason til leiks!

Deild10

Aloysas Kveinys, annar mikill Íslandsvinur og mannvinur mikill. Ætið stutt í brosið hjá þessum reynda stórmeistara

 

Þó mikið sé um reynda meistara og jafnvel erlenda meistara þá er Íslandsmót Skákfélaga fyrir alla og að margra mati hálfgerð árshátið skákmanna. Kíkjum á fleiri svipmyndir:

Deildo21

Hinn þrautreyndi Gunnar Magnússon sem lengstum hefur teflt fyrir T.Akranes sem nú er sameinað SFÍ

Deildo17

Þessar vantar yfirleitt ekki á mót, Ingibjörg Edda (efnilegasti skákdómari landsins) og forsetafrúin, Andrea

Deildo18

Helgi Árnason skólastjóri, lengst til hægri ásamt einum efnilegum

Deildo19

Gríðarlega vandaðir skákstjórar við störf

Deildo7

„Doninn“ sjálfur, Róbert Lagerman. Nýkominn úr landsliðsferð í kotru þar sem 5. sætið var tekið á EM. Það er bara einn Don og ástæða fyrir því!

Deildo8

Listamaðurinn Arnljótur Sigurðsson

Deildo9

Birgir Berndsen, hefur aldrei séð peð sem honum langaði ekki að fórna.

Deildo4

Þeir eru fjölmargir á ferðinni, efnilegu krakkarnir okkar!

Deildo3

Tvær landsliðskonur og þúsundþjalasmiðurinn og tungumálaseníið Donika Kolica

Deildo2

Þeir gerast nú ekki þaulreyndari en þessir herramann!

Deildo1

Hér skilst okkur að ein gömul og góð skák hafi verið í upprifjun.

Deildo6

Guðmundur úr Vinafélaginu að vinna sína fyrstu kappskák.

Deildo11

Ingvar úr ritstjórninni ekki alveg klár á hvað velja skuli í fyrsta leik!

 

Ritstjórn Hróksins er að mestu upptekinn við taflmennsku yfir helgina en hirðljósmyndari Hróksins hefur verið duglegur eins og sjá má! Þeir sem hafa áhuga á að fylgjast með gangi mála er bent á Skak.is og Chess-Results.

Hrókurinn mun svo vafalítið gera helgina upp og eins uppfæra gang mála frá Grand Prix mótinu í Baku þar sem Caruana er mættur aftur til leiks og gerir atlögu að efsta sæti heimslistans.

Facebook athugasemdir