Verðlaunahafar á skákmóti Hróksins á Stofunni, ásamt Kristjönu Guðmundsdóttur Motzfeldt sem afhenti verðlaunin.

Hannes og Hallgerður sigruðu – frábær stemmning á spennandi stórmóti Hróksins á Stofunni!

Helgi Hrafn Gunnarsson lék fyrsta leikinn fyrir Hannes gegn Jon Olav. Róbert Lagerman varaforseti Hróksins fylgist með. Róbert verður dómari á Ólympíumótinu í Bakú.

Helgi Hrafn Gunnarsson lék fyrsta leikinn fyrir Hannes gegn Jon Olav. Róbert Lagerman varaforseti Hróksins fylgist með. Róbert verður dómari á Ólympíumótinu í Bakú.

Stórmeistarinn Hannes Hlífar Stefánsson varð efstur á mjög sterku skákmóti sem Hrókurinn og Stofan Café efndu til á fimmtudagskvöldið, í tilefni af Ólympíuskákmótinu sem hefst í Bakú í Aserbaídsjan í næstu viku. Hallgerður Helga Þorsteinsdóttir sigraði í kvennaflokki. Keppendur voru 32 og var mótið æsispennandi og bráðskemmtilegt frá upphafi til enda.

Helgi Hrafn Gunnarsson þingmaður lék fyrsta leikinn á mótinu fyrir Hannes Hlífar gegn Jon Olav Fivelstad. Hannes hefur orðið Íslandsmeistari tólf sinnum, oftar en nokkur annar, og hann tefldi af miklu öryggi á mótinu. Goðsögnin Jóhann Hjartarson veitti honum harða keppni framan af, sem og stórmeistarinn Helgi Áss Grétarsson, en Hannes gaf engan höggstað á sér.

Íslenska kvennalandsliðið tók þátt í móti Hróksins á Stofunni. Þær eru á leið á Ólympíuskákmót í næstu viku. Frá vinstri Guðlaug, Hrund, Lenka, Verónika og Hallgerður.

Íslenska kvennalandsliðið tók þátt í móti Hróksins á Stofunni. Þær eru á leið á Ólympíuskákmót í næstu viku. Frá vinstri Guðlaug, Hrund, Lenka, Verónika og Hallgerður.

Helgi Áss varð í 2. sæti í karlaflokki og hinn ungi og bráðefnilegi Dagur Ragnarsson náði bronsinu.

Keppni var mjög tvísýn í kvennaflokki, enda allar landsliðskonurnar fimm meðal keppenda, sem og Sigurlaug Regína Friðþjófsdóttir, fv. Íslandsmeistari. Leikar fóru svo að Hallgerður Helga hreppti gullið, Lenka Ptacnikova silfrið og Guðlaug Unnur Þorsteinsdóttir bronsið. Þær skipa íslenska kvenna liðið á Ólympíumótinu í Bakú, ásamt Hrund Hauksdóttur og Veróniku Steinunni Magnúsdóttur.

Í mótslok afhenti Kristjana Guðmundsdóttir Motzfeldt, heiðursforseti Hróksins á Grænlandi, verðlaun frá Stofunni og óskaði íslenska landsliðsfólkinu gæfu og gengis á Ólympíumótinu í Bakú.

Liðsmenn Hróksins hafa undanfarin misseri staðið fyrir mörgum viðburðum á Stofunni, Vesturgötu 3, og þar er góð aðstaða til skákiðkunar.


Lokastaðan

Nafn                         Feder Rtg  Loc Score M-Buch. Buch. Progr.

  1   Hannes Hlífar Stefánsson               2575     7        30.5  39.5   33.0
 2-3  Helgi Áss Grétarsson                   2489     6        29.5  39.5   27.5
      Dagur Ragnarsson                       2277     6        27.5  35.0   24.0
 4-6  Jóhann Hjartarson                      2559     5.5      31.5  41.5   30.5
      Bragi Þorfinnsson                      2466     5.5      31.0  42.0   25.5
      Björn Ívar Karlsson                    2289     5.5      29.5  39.0   27.0
7-11  Omar Salama                            2312     5        28.5  39.5   24.0
      Elvar Örn Hjaltason                    1655     5        25.5  34.5   21.0
      Ingi Tandri Traustason                 1899     5        24.5  31.5   21.0
      Hallgerður Þorsteinsdóttir             2050     5        23.0  31.5   22.0
      Kristján Örn Elíasson                  1811     5        23.0  30.5   18.0
12-14 Lenka Ptacnikova                       2200     4.5      31.5  42.5   23.0
      Ingvar Þór Jóhannesson                 2355     4.5      28.0  38.0   25.0
      Guðlaug Þorsteinsdóttir                2100     4.5      24.5  33.5   22.0
15-20 Magnús Örn Úlfarsson                   2386     4        28.0  36.5   20.0
      Stefán Bergsson                        2088     4        27.5  35.5   21.0
      Gunnar Björnsson                       2135     4        26.5  34.0   19.5
      Sigurlaug Regína Friðþjófsdóttir       1733     4        24.0  31.0   16.0
      Veronika Steinunn Magnúsdóttir         1800     4        21.0  29.0   16.0
      Páll Andrason                          1963     4        20.0  27.5   17.0
21-26 Kjartan Ingvarsson                     1869     3        24.0  31.5   17.0
      Ágúst Örn Gíslason                     1777     3        22.5  29.5   15.0
      Jon Olav Fivelstad                     1888     3        21.0  30.0   11.0
      Magnús Kristinsson                     1863     3        20.5  28.5   13.0
      Hörður Jónasson                        1599     3        20.5  27.0   13.0
      Þorvaldur Ingveldarson                 1466     3        18.5  25.0   10.5
 27   Hrund Hauksdóttir                      1722     2.5      18.0  25.0   10.0
28-31 Tómas Ponzi                            1658     2        19.5  27.5    9.0
      Hjálmar Sigurvaldason                  1544     2        17.0  22.5    9.0
      Björgvin Kristbergsson                 1333     2        16.0  22.5    5.5
      Björn Agnarsson                        1422     2        14.5  20.0    5.0
 32   Óskar Einarsson                        1600     1.5      16.5  23.5    5.0

Myndasyrpa

Facebook athugasemdir