Gleðin var allsráðandi á jólamóti Hróksins og Vinaskákfélagsins á Kleppi.

Gleðin við völd á Kleppi

Hrafn lék fyrsta leikinn fyrir Róbert.

Gleðin var allsráðandi á árlegu jólaskákmóti Hróksins og Vinaskákfélagsins á Kleppi, sem haldið var á stysta degi ársins. Á mótinu leiddu saman hesta sína skáksveitir frá geðdeildum, búsetukjörnum og batasetrum. Sex sveitir kepptu um bikarinn, og eftir æsispennandi kepppni sigraði liðið Vin-X, sem skipað var Sævari Bjarnasyni, Hjálmari Hrafni Sigurvaldasyni og Herði Jónassyni.

Hrafn Jökulsson setti mótið og sagði að það væri ávallt einn af hápunktum skákársins hjá Hróknum og Vinaskákfélaginu. Hann lék síðan fyrsta leikinn fyrir Róbert Lagerman, en sveit hans, sem lenti í 2. sæti, skipuðu líka Elvar Örn Hjaltason og Björgvin Kristbergsson. Í 3. sæti varð svo Blandaða sveitin, skipuð Ólafi B. Þórssyni, Sturlu Þórðarsyni og Birni Agnarssyni.

Birta Marsilía Össurardóttir, starfsmaður á Kleppi, afhenti verðlaun og tók þátt í mótinu.

Róbert hlaut verðlaun fyrir bestan árangur á 1. borði, Sturla á 2. borði og Hörður Jónasson á 3. borði, en hann var eini keppandinn sem sigraði í öllum sínum skákum. Í vinninga voru vegleg bókaverðlaun, góðgæti frá Nóa og verðlaunagripir frá ÍSSPOR. Birta Marsilía Össurardóttir, starfsmaður á Kleppi, afhenti verðlaunin auk þess að taka þátt í mótinu.

Hrókurinn og Vinaskákfélagið senda bestu óskir um gleðilega hátíð!

 

 

 

Facebook athugasemdir