Vinaskákfélagið: Allir velkomnir!

1 Aðalmynd cVinaskákfélagið var stofnað sumarið 2003 af liðsmönnum Hróksins og hefur skákstarfið í Vin, Hverfisgötu 47, síðan blómstrað og vakið mikla athygli. Æfingar eru á mánudögum klukkan 13 en teflt er í Vin flesta daga, og
reglulega eru haldin stórmót.

Vinaskákfélagið teflir fram glaðbeittum skáksveitum á Íslandsmóti skákfélaga og tekur virkan þátt í skáklífinu á Íslandi.

Fjölmargir einstaklingar hafa í gegnum árin tekið þátt í starfi Vinaskákfélagsins og í umsögn starfsmanna Vinjar segir meðal annars:

1 aðalmynd d,,Það má fullyrða að stofnun Vinaskákfélagsins hafi verið hvalreki fyrir starfsemina í Vin, athvarfi fólks með geðraskanir. Ugglaust hefur samstarfið stuðlað að því að rjúfa einangrun margra 1 Aðalmyndeinstaklinga, sem ella hefðu sokkið dýpra og átt erfiðra með að tileinka sér eðlileg mannleg samskipti, ef ekki hefði komið til hin öfluga starfsemi skákfélagsins og tenging þess við starfsemina í Vin.“

Róbert Lagerman er forseti Vinaskákfélagsins og með honum í stjórn eru Hrafn Jökulsson og Jón Birgir Einarsson.

Allir eru hjartanlega velkomnir á æfingar og mót Vinaskákfélagsins. Þátttaka kostar ekkert og ánægjan oggleðin eru alltaf höfð að leiðarljósi.

Frétt RÚV frá 10 ára afmæli Vinaskákfélagsins
Facebook-síða Vinaskákfélagsins 

.

Facebook athugasemdir