Alþjóðlega geðheilbrigðismótið á fimmtudagskvöld!

Alþjóðlega geðheilbrigðismótið í skák verður haldið í Skákhöllinni í Faxaefeni fimmtudagskvöldið 13. október klukkan 19.30. Mótið er jafnan einn af hápunktum skákársins og tilefnið er vitaskuld Alþjóðlegi geðheilbrigðisdagurinn. Að mótinu standa Vinaskákfélagið, Hrókurinn og Taflfélag Reykjavíkur, með stuðningi Ísspors og Forlagsins.

Mótið á sér langa sögu og hafa flestir af bestu skákmönnum landsins verið meðal þátttakenda gegnum söguna. Tefldar verða 7 umferðir með 7 mínútna umhugsunartíma.

Tilagangur mótsins er að vekja athygli á Alþjóðlega geðheilbrigðisdeginum, sem rímar fulkomlega við kjörorð skákhreyfingarinnar: Við erum ein fjölskylda.

Allir eru velkomnir, og þátttökugjöld eru engin. Skráið ykkur sem fyrst hjá Róbert Lagerman í chesslion@hotmail.com.

Facebook athugasemdir