66° NORÐUR FJÖLTEFLI Í NUUK

Í dag var glatt á hjalla í Nuuk Center, hinni glæsilegu verslunarmiðstöð höfuðborgar Grænlands. Vér Hróksliðar — sem erum vel búnir til Grænlandsferðar frá vinum okkar í 66° NORÐUR — vorum með fjölteflið fyrir framan Ittu.net sem einmitt selur drjúgt af þessum víðfræga íslenska fatnaði. Hrafn Jökulsson tefldi í þrjá klukkutíma við börn og fullorðna. Áhuginn var ósvikinn og gleðin réði ríkjum. Jósep Gíslason var vopnaður myndavélinni, auk þess að spjalla við gesti og gangandi um starf Hróksins á Grænlandi. Sem sagt: Gaman, gaman!
.

Facebook athugasemdir