Hannes og Hallgerður sigruðu – frábær stemmning á spennandi stórmóti Hróksins á Stofunni!

Verðlaunahafar á skákmóti Hróksins á Stofunni, ásamt Kristjönu Guðmundsdóttur Motzfeldt sem afhenti verðlaunin.

Stórmeistarinn Hannes Hlífar Stefánsson varð efstur á mjög sterku skákmóti sem Hrókurinn og Stofan Café efndu til á fimmtudagskvöldið, í tilefni af Ólympíuskákmótinu sem hefst í Bakú í Aserbaídsjan í næstu viku. Hallgerður Helga Þorsteinsdóttir sigraði í kvennaflokki. Keppendur voru 32 og var mótið æsispennandi og bráðskemmtilegt frá upphafi til enda. Helgi Hrafn Gunnarsson þingmaður lék fyrsta leikinn á mótinu fyrir Hannes Hlífar gegn Jon Olav Fivelstad. Hannes hefur orðið Íslandsmeistari tólf sinnum, oftar en nokkur annar, og hann tefldi af miklu öryggi á mótinu. Goðsögnin Jóhann Hjartarson veitti honum harða keppni framan af, sem og stórmeistarinn Helgi Áss Grétarsson, ...

Lesa grein »

Ólympíumót Hróksins á Stofunni á fimmtudagskvöld

Stofan er helsta skákkaffihús Reykjavíkur.

Hrókurinn heldur Ólympíumótið í skák á Stofunni, Vesturgötu 3, á fimmtudagskvöldið kl. 20 og meðal keppenda verða margir af sterkustu skákmönnum landsins. Mótið er haldið í tilefni af því að 42. Ólympíumótið í Bakú fer fram í september og þar tefla karla- og kvennasveitir Íslands. Meðal keppenda á Stofunni verða stórmeistararnir Jóhann Hjartarson, Lenka Ptacnikova, Hannes Stefánsson, Helgi Áss Grétarsson og Stefán Kristjánsson. Kvennalandsliðið mætir í heild en það skipa, auk Lenku, þær Guðlaug Þorsteinsdóttir, Hallgerður Helga Þorsteinsdóttir, Hrund Hauksdóttir og Verónika Steinunn Magnúsdóttir. Af öðrum meisturum sem skráðir eru til leiks má nefna landsliðsmanninn Braga Þorfinnsson, Ingvar Þór Jóhannesson, ...

Lesa grein »

Glæsilegt Minningarmót Birnu Norðdahl á Reykhólum: Lenka og Jón L. efst

Jón L. Árnason og Lenka Ptacnikova, sigurvegarar á Minningarmóti Birnu Norðdahl.

Íslandsmeistarinn Lenka Ptáčníková og stórmeistarinn Jón L. Árnason sigruðu á Minningarmóti Birnu Norðdahl á Reykhólum laugardaginn 20. ágúst. Keppendur komu hvaðanæva af landinu og var mikil stemmning í íþróttahúsinu þar sem mótið fór fram við frábærar aðstæður. Mótið var haldið til að minnast Birnu E. Norðdahl (1919-2004) sem var brautryðjandi í kvennaskák á Íslandi. Birna var bóndi og listakona og fyrsta konan sem sögur fara af að hafi teflt á skákmóti hérlendis, árið 1940. Hún átti frumkvæði og allan heiður af því að íslensk kvennasveit fór í fyrsta skipti á Ólympíuskákmót, í Argentínu 1978. Íslenskar landsliðskonur í skák voru heiðursgestir ...

Lesa grein »

Minningarmót Birnu á laugardaginn: Fjöldi skákmeistara á Reykhólum

Birna nýtur lífsins

Fjórir stórmeistarar og kvennalandsliðið í skák eru meðal þeirra sem skráð eru til leiks á Minningarmóti Birnu Norðdahl á Reykhólum laugardaginn 20. ágúst kl. 14. Mótið er öllum opið og eru skákáhugamenn hvattir til að skrá sig sem fyrst. Mótið verður hið sterkasta sem haldið er utan höfuðborgarsvæðisins á árinu. Skákfélagið Hrókurinn skipuleggur mótið með stuðningi Reykhólahrepps, Þörungaverksmiðjunnar, Skáksambands Íslands og fjölda fyrirtækja og einstaklinga. Birna Norðdahl (1919-2004) skipar merkan sess í íslenskri skáksögu. Hún var frumkvöðull að því að Íslendingar sendu í fyrsta skipti kvennasveit til keppni á Ólympíuskákmótið í Argentínu 1978 og efndi til söfnunar svo af þeirri ...

Lesa grein »

Amman í skákinni gaf engin grið

7 MYND Birna sagði hafa lært mest af því að tapa... Ég hef aldrei litið á sjálfa mig sem alvöru skákmann. Hef aldrei lesið skákbækur. Ég er ólæs á skák. (1)

Birna Norðdahl var orðin 56 ára þegar hún fór í fyrsta skipti til útlanda; það var árið 1975 þegar hún tefldi undir fána Íslands í Sex landa keppninni, sem svo var kölluð. Síðar átti Birna eftir að fara tvisvar til útlanda og í bæði skiptin í þágu skákgyðjunnar — á ólympíumótin í Buenos Aires og Möltu, árin 1978 og 1980. Birna átti allan heiður af því að Íslendingar sendu í fyrsta skipti kvennasveit á ólympíuskákmót og er merkur brautryðjandi í skáksögu okkar. Íslandsmeistari varð hún 1976 og 1980. Minningarmót Birnu Norðdahl verður haldið á Reykhólum laugardaginn 20. ágúst og eru ...

Lesa grein »

,,Fyrirgefðu, mát elskan“

Birna og systur hennar

Guðfinnur Kjartansson hefur um árabil verið einn af máttarstólpum skáklífs á Íslandi. Hann átti hugmyndina að stofnun kvennadeildar Taflfélags Reykjavíkur 1975, sem átti heldur betur eftir að draga dilk á eftir sér. Hér rifjar Guðfinnur upp stofnun deildarinnar og kynni sín af Birnu Norðdahl. Það var í upphafi á því herrans ári 1975, ég þá nýkjörinn formaður TR og kvennaárið mikla nýhafið, að hugurinn rann yfir farinn veg og hvað mætti bæta í íslensku skáklífi. Það rifjaðist þá upp fyrir mér að móðir mín kenndi með mannganginn og tefldi við okkur bræður með sitt hvorri hendinni. Það var mér líka ...

Lesa grein »

Minningarmót Birnu Norðdahl á Reykhólum 20. ágúst: Keppendur hvattir til að skrá sig sem fyrst

Birna nýtur lífsins

Áhugasamir keppendur á Minningarmóti Birnu Norðdahl skákmeistara ættu að skrá sig sem fyrst. Mótið fer fram í íþróttahúsinu í hinu fallega og vinalega þorpi á Reykhólum við Breiðafjörð og verður vel tekið á móti öllum, enda Reykhólamenn þekktir fyrir gestrisni. Mótið hefst laugardaginn 20. ágúst kl. 14 og verða tefldar 8 umferðir með 10 mínútna umhugsunartíma. Kvenfélagskonur munu bjóða upp á ljúffengar veitingar að íslenskum sið í kaffihléi og um kvöldið verður hátíðarkvöldverður í íþróttahúsinu. Kvennalandslið Íslands mun nota tækifærið og fara í 2ja daga æfingabúðir á Reykhólum til að undirbúa sig fyrir Ólympíumótið í Bakú sem hefst í byrjun næsta mánaðar, enda var Birna einmitt frumkvöðull þess ...

Lesa grein »

Gegnumbrotið mikla

Cathignol, 1981 - Hvítur leikur og vinnur!

Síðasta skákdæmahorn skildi eftir þessa stöðu: Þó langt séð síðan greinarhöfundur hafi sett þetta dæmi inn skulum við engu að síður setja inn lausnina þannig að hægt sé að skoða skákdæmin í röð 🙂 Til að leysa þessa þraut er nauðsynlegt að þekkja eftirfarandi gegnumbrot: Ég man eftir þessu gegnumbroti úr líklegast fyrstu skákbókinni sem ég eignaðist fyrir góðum 30 árum síðan. Minnir að hún hafi heitið „Lærið að tefla“.  Einnig rekur mig minni í að þetta gegnumbrot hafi verið í einhverju af gull/silfur/brons heftunum sem yngri kynslóðin þreytti próf úr en þar voru á ferð mikilvægar endataflsstöður. Hvítur vinnur ...

Lesa grein »

Frábær skákhátíð Hróksins á Grænlandi: Skák, leikföng, föt og gleði

1 (2)

Liðsmenn Skákfélagsins Hróksins voru á ferð á Austur-Grænlandi síðastliðna viku. Efnt var til fjölda viðburða og mikið af góðum og vönduðum fatnaði komst í góðar hendur. Hrókurinn hefur staðið að landnámi skákar og vináttu á Grænlandi síðan árið 2003 og skipulagt meira en 50 hátíðir vítt og breitt um hið mikla nágrannaland. Hrafn Jökulsson forseti Hróksins stýrði leiðangri Hróksmanna til Kulusuk, næsta nágrannþorps Íslands. Þar var efnt til útiskákhátíðar á aðaltorginu, auk þess sem Hróksmenn heimsóttu leikskóla þorpsins með mikið af góðum og skemmtilegum leikföngum og búnaði. Í Tasiilaq, höfuðstað Austur-Grænlands, voru Jón Grétar Magnússon og Hugrún Þorsteinsdóttir leiðangursstjórar, ásamt ...

Lesa grein »

Minningarmót Birnu E. Norðdahl – Reykhólum 20. ágúst 2016

3 MYND 1980 - Malta - Áslaug, Sigurlaug, Birna

Minningarmót Birnu E. Norðdahl verður haldið á Reykhólum við Breiðafjörð laugardaginn 20. ágúst og hefst kl. 14. Mótið er öllum opið og meðal keppenda verða margar helstu hetjur íslenskrar skáksögu: Friðrik Ólafsson, Jóhann Hjartarson, Guðlaug Unnur Þorsteinsdóttir, Áslaug Kristinsdóttir og Sigurlaug Regína Friðþjófsdóttir. Tefldar verða 8 umferðir með 10 mínútna umhugsunartíma. Teflt verður í íþróttahúsinu á Reykhólum og verða veitingar í boði meðan á mótinu stendur. Aðeins er tæplega þriggja klukkustunda akstur frá höfuðborgarsvæðinu vestur í hina fögru Reykhólasveit. Gestum býðst gisting á tilboðsverði á Hótel Bjarkalundi, Reykhólar Hostel og landnámsbænum Miðjanesi örskammt frá Reykhólum. Um kvöldið er verðlaunaafhending og ...

Lesa grein »

Hjörvar Steinn sigraði á Minningarmóti Jorge Fonseca

Hjörvar Steinn Grétarsson með sigurlaunin, málverk eftir Jorge Fonseca, ásamt Ingibjörgu Eddu Birgisdóttur skákkonu og Róbert Lagerman varaforseta Hróksins.

Hjörvar Steinn Grétarsson stórmeistari sigraði á Minningarmóti Jorge Fonseca 2016, hlaut 7,5 vinning af 8 mögulegum. Í öðru sæti varð alþjóðlegi meistarinn Jón Viktor Gunnarsson með 7 vinninga og bronsið hreppti stórmeistarinn Helgi Áss Grétarsson. Skákfélagið Hrókurinn stóð fyrir mótinu og voru keppendur alls 27. Jorge Fonseca fæddist 1976 og lést á síðasta ári, aðeins 39 ára gamall. Hann ólst upp í Salamanca á Spáni og flutti á unglingsaldri til Madrid. Jorge menntaði sig á Spáni og Belgíu og var stærðfræðingur að mennt. Hann bjó um árabil á Íslandi og var virkur í skáklífinu hér og meðal helstu meistara í ...

Lesa grein »

Guðlaug Þorsteinsdóttir: Fyrsti Íslandsmeistari kvenna og 14 ára Norðurlandameistari!

1975 Guðlaug íþróttamaður Kópavogs

Guðlaug Unnur Þorsteinsdóttir, 14 ára stúlka úr Kópavogi, var ein af stjörnum ársins á Íslandi árið 1975. Hún byrjaði með því að sigra á fyrsta kvennaskákmótinu í íslenskri skáksögu, varð svo fyrsti Íslandsmeistari kvenna og fylgdi því eftir með glæstum sigri á sjálfu Norðurlandamótinu! Guðlaug hefur alls sex sinnum orðið Íslandsmeistari: 1975, 1982, 1989, 2002, 2005 og 2007. Guðlaug leiddi fyrstu kvennasveit Íslands á Ólympíumótinu í Buenos Aires 1978 og náði skínandi árangri, 58% vinningshlutfalli á 1. borði. Aðrir liðsmenn í þessari sögufrægu sveit voru Ólöf Þráinsdóttir, Birna Norðdhal og Svana Samúelsdóttir. Alls hefur Guðlaug teflt á sex ólympíuskákmótum: 1978, ...

Lesa grein »

Minningarorð Sigurlaugar um Birnu Norðdahl : Merk kona og mikil hetja

MYND 1

Birna Eggertsdóttir Norðdahl fæddist í Hólmi í Reykjavíkursókn í Kjósarsýslu, 30. mars 1919. Hún lést á Akranesi 8. febrúar 2004. Sigurlaug Regína Friðþjófsdóttir skrifaði falleg og fróðleg minningarorð, sem birtust í Mbl. 23. febrúar 2004. Mín mæta vinkona Birna Norðdahl, merk kona og mikil hetja, kvaddi þennan heim 8. febrúar síðastliðinn. Birna var alveg einstök manneskja. Hún var bæði bóndi og listamaður: bjó lengst af í Bakkakoti fyrir utan Reykjavík, hafði þar hesta sem hún heyjaði fyrir, málaði myndir, vann úr leðri, skar út í tré auk þess sem hún gerði alla hefðbundna handavinnu og alla smíðavinnu innanhúss sem og ...

Lesa grein »

Viðtal við Birnu Norðdahl: ,,Spenningurinn heillar mest í skákinni — hvort maður lifir eða deyr“

Birna og Bakkakot

Stórfróðlegt og skemmtilegt viðtal sem Sigurlaug Regína Friðþjófsdóttir tók við Birnu Norðdahl og birtist í SKÁK 1981. Birna var merkilegur brautryðjandi í íslenskri skáksögu. Myndir með viðtalinu tók þriðja skákdrottningin, Áslaug Kristinsdóttir. Á sólríkum sumardegi átti ofanrituð eftirfarandi viðtal við Birnu Norðdahl, núverandi Íslandsmeistara kvenna í skák. Það var auðséð að húsmóðirin í Bakkakoti hafði ekki með öllu setið auðum höndum þennan daginn. Þegar við Áslaug Kristinsdóttir ljósmyndari renndum í hlað var heyskapur í algleymingi á bænum. Hey lá í flekk á túninu, auk þess sem kominn var upp myndarlegur galti. Orfið og ljárinn voru upp við húsvegg. Í dag ...

Lesa grein »

Maðurinn sem sigraði besta skákmann heims og ritskoðaði Shakespeare

William Shakespeare sneri sér sjálfsagt við í gröfinni...

Einn er sá skákmeistari, sem hlotnaðist ódauðlegur sess í enskum orðabókum, og það á kostnað höfuðskálds enskrar tungu: Dr. Thomas Bowdler (1754-1825) tók sér fyrir hendur að ritskoða sjálfan Shakespeare, svo sómakærir lesendur hnytu ekki um klúryrði eða klám af nokkru tagi. Bowdler lét sér ekki nægja að skipta út einstökum orðum – blessunin hún Ófelía drukknaði þannig fyrir hreina slysni, svo Hamlet yrði ekki sakaður um að hrekja hana til sjálfsvígs. Shakespeare fyrir fjölskylduna, en svo nefndist útgáfa Bowdlers, naut mikilla vinsælda á 19. öld en fyrir tiltækið uppskar hann vafasaman sess í orðabókum: bowdlerize er notað um þá ...

Lesa grein »

Gullaldarliðið aftur á beinu brautina — stórleikur við England á sunnudag og stefnan sett á verðlaunasæti

Playing_Hall_day_5

Gullaldarliðið er aftur komið á beinu brautina á HM skáksveita 50 ára og eldri, eftir mjög slysalegt tap gegn Þjóðverjum í 6. umferð þar sem heilladísirnar snerust svo sannarlega gegn okkar mönnum. Í 7. umferð á laugardag gjörsigruðu okkar menn úkraínsku skáksveit frá Obuchiw með þremur og hálfum vinningi gegn hálfum. Þegar tvær umferðir eru eftir er ljóst að íslenska stórmeistarasveitin mun ekki landa heimsmeistaratitli, en stefnan er sett á verðlaunasæti. Gullaldarliðið mætir sterkri sveit Englendinga í 8. umferð á sunnudag. Andstæðingar Gullaldarliðsins í 7. umferð hafa verið kallaðir ,,heimsmeistarar kaffihúsanna“ að sögn Halldórs Grétars Einarssonar liðstjóra. Obuchiw er 30 ...

Lesa grein »

Aldurhniginn Íslandsvinur í stuði

vasiukov

Margir af helstu skákmeisturum síðustu áratuga sitja nú að tafli í Dresden. Gullaldarliðið okkar keppir á HM skáksveita 50 ára og eldri, en fjörið er síst minna í flokki skáksveita 65 ára og eldri. Þar eru Rússar í fararbroddi, þegar tvær umferðir eru eftir. Í sveit þeirra eru kempur á borð við Evgeny Sveshnikov, Yuri Balashov og Evgeni Vasiukov. Sá síðastnefndi er aldursforseti sveitarinnar, 83 ára, og er stigahæsti stórmeistari heims yfir áttræðu með 2409 skákstig. Þegar þetta er skrifað hefur Vaisiukov teflt þrjár skákir og unnið þær allar. Vasiukov fæddist 5. mars 1933 og var í áratugi meðal sterkustu ...

Lesa grein »

Gullaldarliðið beið lægri hlut — en leynivopn á leiðinni!

HM-Dresden-2016-myndir

Gullaldarlið Íslands tapaði sinni fyrstu viðureign í 5. umferð á HM skákliða 50 ára og eldri í Dresden á fimmtudag. Íslenska stórmeistarasveitin beið lægri hlut fyrir mjög öflugri sveit Armeníu, 3-1, og er nú í 3.-7. sæti. Fjórar umferðir eru eftir á mótinu og ljóst að seinni hálfleikurinn verður æsispennandi. Jóhann Hjartarson mætti hinum goðsagnakennda Rafael Vaganian á 1. borði. Armeninn var um árabil í hópi sterkustu skákmanna heims og varð m.a. skákmeistari Sovétríkjanna 1989. Þeir Jóhann tefldu sjö kappskákir á árunum 1989-92 og þá hafði okkar maður sannkallað fantatak á Vaganian: sigraði fimm sinnum, gerði eitt jafntefli og tapaði ...

Lesa grein »